Tigrai Television Canali Telegram

https://tigraitv.com/ሓዱሽ-መስርሕ-ደደቢት-ማይክሮፋይናንስ/
ሓዱሽ መስርሕ ደደቢት ማይክሮፋይናንስ

ምጅማር ግልጋሎት ሳፋሪኮም ኣብ ትግራይ
----
ሳፋሪኮም ኢትዮጵያ ኣብ ትግራይ ግልጋሎት ቴሌኮም ምሃብ ከምዝጀመረ ኣፍሊጡ።

እቲ ተጀሚሩ ዘሎ ስሩዕ ግልጋሎት ቴሌኮም ፤ እቲ ትካል ኣብ ትግራይ ናይ ዘካይዶ ቐዳማይ ምዕራፍ ስራሕቱ ሓደ ኣካል ምዃኑ ገሊፁ።

ኣብ ስራሕቲ ቀዳማይ ምዕራፍ ንብሉፅ ግልጋሎት ዳታ ዝተመቻቸወን ንሓምሻይ ትውልዲ (5G) ኔትዎርክ ዝቐረበን ራብዓይ ትውልዲ (4G) ኔትዎርክ ኣብ 16 ከተማታት ትግራይ ክቐርብ ምዃኑ ዋና ኣካያዲ ስራሕ ሳፋሪኮም ዊም ቫንሄለፑተ ተዛሪቦም።

ኣብ ቀዳማይ ምዕራፍ ግልጋሎት ኣብ ዝረኽባ ከተማታት ትግራይ ዝርከቡ ዓማዊል ዝደልይዎ ቑፅሪ ምምራፅ ዝኽእሉ እንትኾን ካብ ሲምካርድ ሳፋሪኮም ናብ ሳፋሪኮም ዝግበር 7 መዓልቲ ዝፀንሕ ወሰን ዘይብሉ ፃውዒትን 500 ሜጋባይት ናፃ ዳታን ዝሓዘ ፓኬጅ ከምዝረኽቡ እቲ ትካል ኣመላኺቱ።

ተገልገልቲ ግልጋሎት ሳፋሪኮም ዝረኽቡለን ብራንድ ድኳናት ኣብ ዝተፈላለዩ ከባብታት ምህላወን ዘነፀረ እቲ ትካል ፤ ግልጋሎት ቴሌኮም ሳፋሪኮም ካብ ሳፋሪኮም ናብ ሳፋሪኮም ከምኡውን ካብ ሳፋሪኮም ናብ ኢትዮቴሌኮም ዝግበር ግልጋሎት ስልክን ግልጋሎት ኢንተርኔትን ዘጠቓለለ እዩ።

ዘርኢ የብልናን እምበር ዘለና መሬት ብማሕረስ ነላሳልሶ አለና-ሓረስቶት ወረዳ ኢሮብ
-----
ኣብ ወረዳ ኢሮብ ጣብያታት እንዳ ሞሳን ሓረዘ ሰብዓታን መሬቶም ኣብ ምልስላስ ዝረኸብናዮም ሓረስቶት ኣብ ዘሎ ድርቂ ኮይኖም መፍረያይነት ዘመነ ምህርቲ 2016/17 ዓ/ም ንምስሳን ኣድላይ ምድላው ይውግኑ ከም ዘለው ተዛርቦም።

ኣብ ዝሓለፈ ዓመት ኣብቲ ወረዳ ብዘጋጠመ ድርቂ ስዒቡ ኣብዚ ሐዚ እዋን ይትረፍ ንዘርኢ ዝኸውን ዝብላዕ እውን ከምዘይብሎም ዝሓበሩ እቶም ሓረስቶት ዛጊድ ቀረብ እታወታት ሕርሻ ማለት እውን ምሩፅ ዘርኢ ኮነ መዳበርያ ከምዘይረኸቡ ገሊፆም።

እንዘርአሉ እዋን ኣብ መጀመርያ ዝመፅእ ዘሎ ወርሒ ሰነ እዩ ዝበሉ እቶም ሓረስትቶ ብብዕራይ ልፍንቲ ዘላሳለስዎ መሬቶም ፆሙ ከይሓድር ሰግኣት ከምዘለዎም ብምግላፅ ምሩፅ ዘረኢን መደበርያን ብዝምልከቶም ኣካላት መንግስቲን ትካላት ገበርቲ ሰናይ ብህፁፁ ክቐርበሎም ድማ ተላብዮም።

ኣብ ወረዳ ኢሮብ ካብ ዝርከብ 1200 ሄክታር ተሓራሳይ መሬት እቲ 533 ሄክታር ኣብ ትሕቲ ወራሪ ሰራዊት ኤርትራ ከም ዝርከብ ዝሓበሩ ምክትል ሓላፊ ዘፈር ቁጠባ እታ ወረዳ ኣይተ ሓስበላ በየነ ኣብተን ካብ ፀላኢ ነፃ ኣብ ዝኾና ጣብያታት ዝርከቡ ሓረስቶት እታ ወረዳ ብድርቂ ኣብ ከቢድ ቁጠባዊ ማህሰይቲ ከምዝርከቡ ገሊፆም።

እቶም ሓረስቶት ዘለዎም ፀገማት ተፃውሮም መፍራያይነት ንምስሳን ፃዕሪ ይገብሩ ከምዘለው ዝሓበሩ ኣይተ ሓስበላ ይኹን እምበር ቀረብ ምሩፅ ዘርኢ ከምዘየለን ብመንግስቲ ዝተተመነ ዋጋ መደበርያ እውን መገዝኢ ዓቅሚ ከምዘይብሎምን ብምግላፅ እቲ ዘሎ ፀገም ልዕሊ ዓቅሚ እቲ ወረዳ ብምዃኑ መንግስታውን ዘይመንግስታውን ትካላት ቅልጡፍ ሓገዝ እታወታት ሕርሻ ክገብሩ ፀዊዖም።

#ብታደለ_ዳኘው

ዘተ ፕሬዝደንት ጌታቸውን ዳይሬክተር ዓለምለኸ ሓለዋ ህፃናትን ዩኒሴፍ
----
ፕሬዝደንት ግዝያዊ ምምሕዳር ትግራይ ጌታቸው ረዳ ምስ ዳይሬክተር ዓለምለኸ ደሕንነት ህፃናት ዩኒሴፍ ሽማ ሰን ሁፕታ ኣብ ጉዳይ ደሕንነት ህፃናትን ኣዴታትን ትግራይ ዘትዮምⵆ
ፕሬዝደንት ጌታቸውን ብሰንኪ እቲ ፅንተታዊ ኲናት ኲናት ትግራይ ኣብ ልዕሊ ህፃናትን ኣዴታትን ገዚፍ ኣካላውን ስነልቦናውን ጉድኣት ዝብፀሐ እንትኾን እቲ ፀገም ሐዚ እውን እናቐፀለ ምዃኑ ገሊፆምⵆ
ብፍላይ ኣብ ማእኸላት መዕቆቢ ዝርከቡ ህፃናት ብዙሕ ሓገዝን ሕውየትን ከምዘድልዮም ዝገለፁ ፕረዚደንት ጌታቸው ፤ ምስ ትምህርትን ጥዕናን ተኣሳሲሩ ዩኒሴፍ ዝጀመሮ ስራሕ ኣጠናኺሩ ክቅፅል ሓቲቶም።
ኣብ ሕውየት ፆታዊ ዓመፅ ዝበፅሐን ደቂ ኣንስትዮን ትኹረት ተገይሩ ክስራሕ ከምዘለዎ ዝሓበሩ ኣይተ ጌታቸው ክትትል ጥዕናን ቁጠባዊ ሓገዝን ከምዘድልየንን ኣብዚ መዳይ ሓገዝ ዩኒሴፍ ኣገዳሲ ምዃኑን ተዛሪቦም ⵆ
ዳይሬክተር ዓለምለኸ ሓለዋ ህፃናት ዩኒሴፍ ሽማ ሰን ጉፕታ ህፃናት ብፍላይ ፆታዊ መጥቃዕቲ ዝበፅሐን ደቂ ኣንስትዮ ካብ ዘለዎን ወድዓዊ ፀገማት ንምንጋፍ ትካለን ዝኸኣሎ ከምዝሕግዝ ገሊፀን።
እተን ዳይሬክተር ምስ ጉጅለኣን ኣብ ከተማታት መቐለ፣ ሽረ፣ኣኽሱምን ዓድዋን ኣብ ዝርከባ ማእኸላት መዕቆቢ ዑደት ከምዝገበራ ንምፍላጥ ተኻኢሉ።
#ብጥዑማይ_ገዛኢ